Tumechoka kusikia kauli bila ya vitendo
Na Ally Saleh,
Tangu nipate fahamu zangu na kuanza kufuatialia kauli za wanasiasa basi kauli ya kuifananisha Zanzibar na Hongo Kong au Singapore nimekuwa nikisikia ikipita katika masikio yangu.
Ila kauli hiyo imekuwa ikipita upande mmoja wa sikio yaani kulia na kutokea upande wa kushoto au wakati mwengine upande wa kushoto na kutokea upande wa kulia bukheri wa khamsa wa ishirini, kama Waswahili wasemavyo.
Na wanasiasa huwa hawachoki maana kauli hiyo kila wanapotaka kuonekana kuwa wanaweza kufanya miujiza au wanaweza kuleta mabadiliko ya kweli ya kiuchumi basi huwa inatajwa Singapore na Hong Kong.
Hiyo ni kale kidogo, maana Singapore na Hong Kong zilitangulia kujipa hadhi ilizonazo hivi sasa kinyume na viji nchi vyetu vya Kiafrika ambavyo vilipata uhuru mwanzo na vimekuwa na fursa kemkem toka awali, lakini vikapitwa katika mbio hizo kama vimesiamama.
Kisha baadae kidogo tukaanza kuwasikia viongozi wetu wakiimba nyimbo ya Dubai. Tunataka nchi yetu iwe Dubai ya Afrika, maana uchumi wa Dubai umejengwa katika mazingira yanayofanana na Dubai wa visiwa.
Lakini Dubai hao wakasonga mbele na uchumi wao ukakaribia zaidi kuelekea kufukuzana na Singapore na Hong Kong na sisi kama kawaida yetu tukabaki kuimba na kupiga kwata na hadi wakati huo tupo hapo hapo kama si kudidimia.
Halafu uchumi wa visiwa vya Mauritius mara ukakuwa kwa kasi sana kutoka ule wa kilimo cha miwa na viwanda vya nguo na ukawa uchumi wenye vyanzo vingi na vya maana.
Tukaanza kuwasikia viongozi wetu tunataka tuwe kama Mauritius maana uchumi wao ni wa visiwa na unafaa kuwa kama wetu, lakini pia ikawa ni nyimbo na kiitikio chake na hata beti zake za nyimbo vikaanza kutukirihisha.
Wazanzibari kwa muda mrefu tumefanywa kama watoto wa kuku, yale ya kesho kesho wanangu…na kwa hali hiyo hiyo kesho kesho hiyo haitafika ila muhudi, chembilecho Waswahili.
Hata karibuni chama cha CUF kiliibuka na sera hiyo…lakini wakitaja Hong Kong upande wa CCM unapinga unasema la, mfano unaofanana na Zanzibar zaidi ni wa Singapore….lakini CCM yenyewe kwa miaka ayami imekuwa ikitaja Singapore, Hong Kong na Mauritius na hadi leo hata ramani ya chumi hizo hatuna seuze kufikia ncha zake tu.
Ila sasa kuna mambo mawili makubwa yametokea ambayo yanaweza kubadilisha hali na tukaanza sio kuota lakini kuanza hatua japo ndogo ndogo kupiga kuelekea hizo Hong Kong, Singapore na Mauritius ziliopo njozini.
Kwanza ni kuja kwa Serikali ya Umoja wa Kitaifa (SUK). Hii ni hatua muhimu sana maana inaleta taswira mpya ya kisiasa na kwa hakika maamuzi ya kufanya mabailiko makubwa ya kiuchumi lazima yaambane na matakwa na maridhiano ya kisiasa.
Ndani ya hilo linakuja lile la kuwa na serikali ya pamoja kwa maana ya kuleta mawazo ya pande zote mbili ambazo kwa hapa kwetu ni muhimu sana. CCM wamekuwa na wazo hili muda mrefu, CUF nao wamekuja nalo, ni vyema wakakutanisha mawazo yao katikati.
Inawezekana wazo la CCM likawa limechoka kwa kuwa ni la zamani au halikuwa ni miega ya kutosha kuweza kusimama. Wazo la CUF walioingia Serikali kwa mara ya kwanza ni jipya na inawezekana linakwenda na wakati.
Ingawa najua kuwa kwa mujibu wa SUK sera ambazo zinatekelezwa katika uendeshaji wa Serikali ni za CCM lakini naamini katika baadhi ya mambo ni lazima kupatikane maridhiano na kuazimana hizi sera. Tukishikilia na kun’gan’gania kuwa lazima ziwe ni za CCM tutakwama.
Na dalili ya mashikiriano haya nimeanza kuiona wakati wa hotuba ya uzinduzi wa Kikao cha Baraza la Wawakilishi wakati Rais wa Zanzibar Dk Ali Muhammed Shein alipokuwa akielezea muelekeo wa utekelezaji wa Serikali. Ni wazi kuwa Dk Shein ameazima sera kibao za CUF.
Ninachotaka kusema katika maslahi ya nchi si muhimu sera ipi inatekelezwa iwapo tu lengo kuu la nchi ltafikiwa, wala haitakuwa na maana yoyote ya kujisifu na kujitapa isipokuwa pale uchumi na kipato cha wananchi kitapokuwa kimebadilika, maana iwe ni sera yoyote ya CUF au CCM hayo ndio madhumuni yake.
Jambo la pili zuri lilotokea ambalo laweza kuielekeza Zanzibar kuingia katika njia ya kufanana na Hong Kong na Singapore au Dubai au minal-akal Mauiritus ni kule kusadifu kuwa na Waziri wa Biashara, Viwanda na Masoko aitwaye Nassor Ahmed Mazrui.
Naona kama sikutumia neno sadfa vyema, lakini kusudio langu si sadfa mbaya lakini ni kwamba kama kuna Wizara ambayo Dk Shein amempatia Waziri aliyempa madaraka ya kusimamia basi mojawapo ni hiyo ya Biashara, Viwanda na Masoko chini ya Mazrui, Mwakilishi wa Jimbo la Mtoni.
Kwa maneno mengine muda wote tunaona kuifanya Zanzibar kama Hong Kong, Singapore au Dubai au hata kwa karibu Mauritius, lakini Waziri anaesimamia kazi hiyo hakupatikana mtu ambaye anaijua biashara na ana rekodi nzuri yake binafsi katika fani hiyo.
Hii si makala ya kuelekezea sifa na mafanikio ya kibiashara na kiviwanda na hata kimasoko ya Waziri Mazrui, lakini ni kujairbu kuonyesha kwamba Waziri huyu akiweza kufanya kazi katika uwezo wake kamili na akipewa mashirikiano ya kutosha basi hapana shaka njozi ya kufanana na chumi hizo kubwa za visiwa inaweza kutimizwa.
Naamini Mazrui anajua sana kuwa kufika Mauritius ni ndoto, Dubai ni ndoto kubwa na Hong Kong na Singapore ni njozi isiyo na kiasi lakini si kitu ambacho hakiwezekani, maana katika uchumi wa kisasa Zanzibar haitatia pesa zake.
Kikubwa cha kufanya kwanza ni kutoa elimu kwa watu wa ndani, kuwajengea uwezo wa kweli, uimarishaji wa mitaji ya ndani, uimara wa taasisi za ukaguzi na ufuatiliaji, kuimarisha uchumi wa ndani, kujenga mazingira mema zaidi kwa uchumi wa ndani na kutandika miundo mbinu na taratibu za kisheria.
Nchi yetu kwa miaka imekwama kwenye suala la viwanda vya kusafirisha (export processing zones); tumenasa kwenye suala la badnari huru ( free port) na tumeganda kwenye suala la umuhimu mkubwa wa biashara la fedha katika mnasaba na uhamishaji na uhaulishaji wa mitaji.
Bila ya hayo tutaendelea kuota kama vile tunavyoota kuingia Kombe la Dunia ilhali kiwango cha soka hakikuzwi. Naamini Mazrui anaweza kuwa dira yenye upana na kina hicho.
Hatua ya kwanza ni mipango na nia. Hatua ya pili ni kupata baraka za kisiasa na baada ya hapo naamini upo utaalamu wa ndani na kama haupo unaweza kupatikana kutoka nje.
Mazrui ajue kuwa hio ni changamoto kubwa sana kwako. Tumechoka kusikia kauli bila ya vitendo. Tumechoka kupewa ahadi bila utekelezaji. Tumechoka kupangiwa mipango bila ya kutekelezwa na kwa bahati basi hili la mpango wa kuigeuza Zanzibar ni la manufaa makubwa kuliko hata lile la kuambiwa Zanzibar kuna mafuta ya petroli.
Petroli ni rasilmali inayokwisha ingawa ukiipata inasaidia sana uwekezaji, lakini jee hakuna nchi ambazo zina petroli zilizoshindwa kufanya mambo ya maana? Lakini kwa upande mwengine ujenzi wa uchumi unaofanana na Mauritius, Hong Kong, Singapore na hata Dubai ndio kwa hakika suluhu ya Zanzibar.
Mazrui tufikishe huko. Tunakusibiri tukuhumu katika miaka mitano ijayo, ama kwa kutufikisha au tuwe tuko robo tatu, nusu au robo ya njia, lakini tusiwe kabisa hapa tulipo hivi sasa.
–
Ally Saleh +255 777 4300 22
Players’ Agent Licenced by
Tanzania Football Federation (TFF)
—————————————————
www.eternaltourszanzibar.com
www.tzsoka.com
jumbamaro.blogspot.com
Tangu nipate fahamu zangu na kuanza kufuatialia kauli za wanasiasa basi kauli ya kuifananisha Zanzibar na Hongo Kong au Singapore nimekuwa nikisikia ikipita katika masikio yangu.
Ila kauli hiyo imekuwa ikipita upande mmoja wa sikio yaani kulia na kutokea upande wa kushoto au wakati mwengine upande wa kushoto na kutokea upande wa kulia bukheri wa khamsa wa ishirini, kama Waswahili wasemavyo.
Na wanasiasa huwa hawachoki maana kauli hiyo kila wanapotaka kuonekana kuwa wanaweza kufanya miujiza au wanaweza kuleta mabadiliko ya kweli ya kiuchumi basi huwa inatajwa Singapore na Hong Kong.
Hiyo ni kale kidogo, maana Singapore na Hong Kong zilitangulia kujipa hadhi ilizonazo hivi sasa kinyume na viji nchi vyetu vya Kiafrika ambavyo vilipata uhuru mwanzo na vimekuwa na fursa kemkem toka awali, lakini vikapitwa katika mbio hizo kama vimesiamama.
Kisha baadae kidogo tukaanza kuwasikia viongozi wetu wakiimba nyimbo ya Dubai. Tunataka nchi yetu iwe Dubai ya Afrika, maana uchumi wa Dubai umejengwa katika mazingira yanayofanana na Dubai wa visiwa.
Lakini Dubai hao wakasonga mbele na uchumi wao ukakaribia zaidi kuelekea kufukuzana na Singapore na Hong Kong na sisi kama kawaida yetu tukabaki kuimba na kupiga kwata na hadi wakati huo tupo hapo hapo kama si kudidimia.
Halafu uchumi wa visiwa vya Mauritius mara ukakuwa kwa kasi sana kutoka ule wa kilimo cha miwa na viwanda vya nguo na ukawa uchumi wenye vyanzo vingi na vya maana.
Tukaanza kuwasikia viongozi wetu tunataka tuwe kama Mauritius maana uchumi wao ni wa visiwa na unafaa kuwa kama wetu, lakini pia ikawa ni nyimbo na kiitikio chake na hata beti zake za nyimbo vikaanza kutukirihisha.
Wazanzibari kwa muda mrefu tumefanywa kama watoto wa kuku, yale ya kesho kesho wanangu…na kwa hali hiyo hiyo kesho kesho hiyo haitafika ila muhudi, chembilecho Waswahili.
Hata karibuni chama cha CUF kiliibuka na sera hiyo…lakini wakitaja Hong Kong upande wa CCM unapinga unasema la, mfano unaofanana na Zanzibar zaidi ni wa Singapore….lakini CCM yenyewe kwa miaka ayami imekuwa ikitaja Singapore, Hong Kong na Mauritius na hadi leo hata ramani ya chumi hizo hatuna seuze kufikia ncha zake tu.
Ila sasa kuna mambo mawili makubwa yametokea ambayo yanaweza kubadilisha hali na tukaanza sio kuota lakini kuanza hatua japo ndogo ndogo kupiga kuelekea hizo Hong Kong, Singapore na Mauritius ziliopo njozini.
Kwanza ni kuja kwa Serikali ya Umoja wa Kitaifa (SUK). Hii ni hatua muhimu sana maana inaleta taswira mpya ya kisiasa na kwa hakika maamuzi ya kufanya mabailiko makubwa ya kiuchumi lazima yaambane na matakwa na maridhiano ya kisiasa.
Ndani ya hilo linakuja lile la kuwa na serikali ya pamoja kwa maana ya kuleta mawazo ya pande zote mbili ambazo kwa hapa kwetu ni muhimu sana. CCM wamekuwa na wazo hili muda mrefu, CUF nao wamekuja nalo, ni vyema wakakutanisha mawazo yao katikati.
Inawezekana wazo la CCM likawa limechoka kwa kuwa ni la zamani au halikuwa ni miega ya kutosha kuweza kusimama. Wazo la CUF walioingia Serikali kwa mara ya kwanza ni jipya na inawezekana linakwenda na wakati.
Ingawa najua kuwa kwa mujibu wa SUK sera ambazo zinatekelezwa katika uendeshaji wa Serikali ni za CCM lakini naamini katika baadhi ya mambo ni lazima kupatikane maridhiano na kuazimana hizi sera. Tukishikilia na kun’gan’gania kuwa lazima ziwe ni za CCM tutakwama.
Na dalili ya mashikiriano haya nimeanza kuiona wakati wa hotuba ya uzinduzi wa Kikao cha Baraza la Wawakilishi wakati Rais wa Zanzibar Dk Ali Muhammed Shein alipokuwa akielezea muelekeo wa utekelezaji wa Serikali. Ni wazi kuwa Dk Shein ameazima sera kibao za CUF.
Ninachotaka kusema katika maslahi ya nchi si muhimu sera ipi inatekelezwa iwapo tu lengo kuu la nchi ltafikiwa, wala haitakuwa na maana yoyote ya kujisifu na kujitapa isipokuwa pale uchumi na kipato cha wananchi kitapokuwa kimebadilika, maana iwe ni sera yoyote ya CUF au CCM hayo ndio madhumuni yake.
Jambo la pili zuri lilotokea ambalo laweza kuielekeza Zanzibar kuingia katika njia ya kufanana na Hong Kong na Singapore au Dubai au minal-akal Mauiritus ni kule kusadifu kuwa na Waziri wa Biashara, Viwanda na Masoko aitwaye Nassor Ahmed Mazrui.
Naona kama sikutumia neno sadfa vyema, lakini kusudio langu si sadfa mbaya lakini ni kwamba kama kuna Wizara ambayo Dk Shein amempatia Waziri aliyempa madaraka ya kusimamia basi mojawapo ni hiyo ya Biashara, Viwanda na Masoko chini ya Mazrui, Mwakilishi wa Jimbo la Mtoni.
Kwa maneno mengine muda wote tunaona kuifanya Zanzibar kama Hong Kong, Singapore au Dubai au hata kwa karibu Mauritius, lakini Waziri anaesimamia kazi hiyo hakupatikana mtu ambaye anaijua biashara na ana rekodi nzuri yake binafsi katika fani hiyo.
Hii si makala ya kuelekezea sifa na mafanikio ya kibiashara na kiviwanda na hata kimasoko ya Waziri Mazrui, lakini ni kujairbu kuonyesha kwamba Waziri huyu akiweza kufanya kazi katika uwezo wake kamili na akipewa mashirikiano ya kutosha basi hapana shaka njozi ya kufanana na chumi hizo kubwa za visiwa inaweza kutimizwa.
Naamini Mazrui anajua sana kuwa kufika Mauritius ni ndoto, Dubai ni ndoto kubwa na Hong Kong na Singapore ni njozi isiyo na kiasi lakini si kitu ambacho hakiwezekani, maana katika uchumi wa kisasa Zanzibar haitatia pesa zake.
Kikubwa cha kufanya kwanza ni kutoa elimu kwa watu wa ndani, kuwajengea uwezo wa kweli, uimarishaji wa mitaji ya ndani, uimara wa taasisi za ukaguzi na ufuatiliaji, kuimarisha uchumi wa ndani, kujenga mazingira mema zaidi kwa uchumi wa ndani na kutandika miundo mbinu na taratibu za kisheria.
Nchi yetu kwa miaka imekwama kwenye suala la viwanda vya kusafirisha (export processing zones); tumenasa kwenye suala la badnari huru ( free port) na tumeganda kwenye suala la umuhimu mkubwa wa biashara la fedha katika mnasaba na uhamishaji na uhaulishaji wa mitaji.
Bila ya hayo tutaendelea kuota kama vile tunavyoota kuingia Kombe la Dunia ilhali kiwango cha soka hakikuzwi. Naamini Mazrui anaweza kuwa dira yenye upana na kina hicho.
Hatua ya kwanza ni mipango na nia. Hatua ya pili ni kupata baraka za kisiasa na baada ya hapo naamini upo utaalamu wa ndani na kama haupo unaweza kupatikana kutoka nje.
Mazrui ajue kuwa hio ni changamoto kubwa sana kwako. Tumechoka kusikia kauli bila ya vitendo. Tumechoka kupewa ahadi bila utekelezaji. Tumechoka kupangiwa mipango bila ya kutekelezwa na kwa bahati basi hili la mpango wa kuigeuza Zanzibar ni la manufaa makubwa kuliko hata lile la kuambiwa Zanzibar kuna mafuta ya petroli.
Petroli ni rasilmali inayokwisha ingawa ukiipata inasaidia sana uwekezaji, lakini jee hakuna nchi ambazo zina petroli zilizoshindwa kufanya mambo ya maana? Lakini kwa upande mwengine ujenzi wa uchumi unaofanana na Mauritius, Hong Kong, Singapore na hata Dubai ndio kwa hakika suluhu ya Zanzibar.
Mazrui tufikishe huko. Tunakusibiri tukuhumu katika miaka mitano ijayo, ama kwa kutufikisha au tuwe tuko robo tatu, nusu au robo ya njia, lakini tusiwe kabisa hapa tulipo hivi sasa.
–
Ally Saleh +255 777 4300 22
Players’ Agent Licenced by
Tanzania Football Federation (TFF)
—————————————————
www.eternaltourszanzibar.com
www.tzsoka.com
jumbamaro.blogspot.com
No comments:
Post a Comment